«Өрлеу ақпараты» атты журналистер байқауы аяқталды

Астанада «Өрлеу ақпараты» атты байқау аяқталып, «Инновация» тақырыбында үздік жазатын журналистер анықталды.

Барлығы 200-ге жуық материал келіп түскен байқауды, осы жолы «Егемен Қазақстан» газетінің тілшілері жеңіп алды. Басылым жыл басынан бері 100-ге жуық мақаласын инновация саласына арнаған.

Осы себепті ұйымдастырушылар, технологиядағы жаңашылдықтар туралы жазып жүрген баспасөз тілшілерін 1 миллион теңгемен марапаттады.

Сондай-ақ, байқаудың басқа да қатысушыларына 21 номинация бойынша бағалы сыйлықтар үйлестірді.

Айдана ҮСЕНБАЙ