Жаңалықтарды Telegram арнамыздан оқыңыз!Халықтар бірлігі күні қарсаңында Орал қаласында 90 жас отбасы жаңа пәтердің кілтіне ие болды. Бұл - жыл басынан жастарға арнап салынған 4-ші тұрғын жай.
Бұған дейін «Қолжетімді баспана» бағдарламасының игілігін 370 жас отбасы көрген еді. Жаңа үйдің құрылысына 472 миллион теңге жұмсалған. Пәтерлер жастарға жеңілдікпен беріліп отыр. Ай сайынғы жарна 30 мың теңгені құрайды.
Бұған қоса, шағынауданда жас отбасылар үшін қажетті жағдай жасалған. Аула абаттандырылып, жақын жерде емхана мен мектеп жұмыс істеп тұр.
Жігер Құмаров, қала тұрғыны:
Соңғы жылдары Орал қаласында тұрғын үй салу мәселесі қарқын алып келеді. Жалпы жастарға ғана емес, әлеуметтік топтар және кезекте тұрған адамдарға да үй беріліп жатыр. Қазіргі уақытта жастарға көңіл бөлгені соншалықты, бүгінгі күні екі бөлмелі пәтер алып жатырмын. Өте қуаныштымын.
Рауан ДИӘЛИ
