Ақтөбеде контрабандалық тауар тасымалдаған топ ұсталды - «Qazaqstan» Ұлттық телеарнасы

Ақтөбеде контрабандалық тауар тасымалдаған топ ұсталды

23.04.2014
Ақтөбеде контрабандалық тауар тасымалдаған топ ұсталды
Елімізде автокөлік контрабандасы тыйылмай тұр. Ақтөбеде Еуропадан 18 автокөлікті Қазақстанға заңсыз кіргізген қылмыстық топ ұсталды. Олар кедендік салық пен төлемдерден жалтарып, жүк көліктеріне жалған техникалық құжаттар рәсімдеген.
 
Соның салдарынан бюджетке 1 миллиард теңгеден аса залал келді. Аса ірі көлемдегі экономикалық контрабандаға байланысты қылмыстық іс қозғалды.
 
Сондай-ақ, жұмыс бабын пайдаланып кедендік рәсімдеу кезінде жалған мағлұмат берген алматылық серіктестіктің кеден маманы қолға түсті.
 
Ол халық тұтынатын тауарларды кедендік бақылаудан өткізбей, жасырын тасымалдаған. 
 
 Әлия ТАЛАСОВА

Хабарламаларға жазылу