Жаңалықтарды Telegram арнамыздан оқыңыз!«Қазгидромет» орталығының хабарлауынша, еліміздің бірқатар аймақтарында ауа райы күрт суытуы мүмкін. Қазақстанның басым бөлігінде жауын-шашын болып, тұман түседі.
Ақмола, Солтүстік Қазақстан, Қостанай облыстарында желдің соғу жылдамдығы секундына 15-20 метр, кей жерлерде 25 метрге жетеді.
Саида Бердібекова, «Қазгидромет» РМК орталығының инженер-синоптигі:
Қазақстан аумағының көп бөлігінде жауын-шашын болып, жел екпіні күшейеді, кейбір аймақтарда тұман түседі. Көптеген облыстарда температура түнде -5 градусқа дейін суытады. Оңтүстік Қазақстан облысының солтүстігінде ауа температурасы түнде -2 градусқа дейін төмендейді.
Айдана ҮСЕНБАЙ
