Елдің бірқатар аймағында күн суытады

4-6 қазан аралығында Қазақстанның бірқатар облысында ауа температурасы 8 градусқа дейін суытады. Бұл туралы «Қазгидромет» РМК-ге сілтеме жасап, ҚазАқпарат хабарлайды.

«Батыс Сібірдегі циклонмен байланысты суық атмосфералық ағындардың әсерінен Қазақстанның көптеген облыста жаңбыр жауып, кейде оның соңы жабысқақ қарға айналады. Ал, солтүстіктен соққан жел орталық, солтүстік және шығыс облыстарда түнде ауа температурасының 8 градусқа дейін суытуына әкеліп соғады», - делінген хабарламада.

Оңтүстіктегі және оңтүстік-шығыстағы кейбір ауданда ауа темпертатурасы төмендеп, қатқақ болады. Ал,  таулы жерлерде жаңбырдың соңы қарға айналады.