1140 жолаушы құтқарылды

17.03.2014
1140 жолаушы құтқарылды
Елімізде өткен тәулік ішінде 1140 жолаушы құтқарылып, 296 көлік қар астынан шығарылды. Тек, «Самара-Шымкент» тасжолының өзінде 360 адам қар астында қалған.
 
Олардың арасында ішінде жүкті әйел отырған жедел жәрдем көлігі де бар. Құтқарушылар аяғы ауыр әйелді дер кезінде Ақтөбедегі ауруханаға жеткізіп, өзгелерін қауіпсіз аймаққа шығарды.
 
 «Егіндікөл-Новочеркасск» тасжолында да дәл осындай жағдай тіркелді. 3 шағын автобус пен 5 жеңіл көлік қалың қардан жүре алмай, 27 адам жолда қалды.
 
Сондай-ақ, Ақмола, Қостанай, Қарағанды және Солтүстік Қазақстан облыстарында да қар астында қалып қойған жолаушыларға көмек көрсетілді.
 
АйданаҮСЕНБАЙ

Хабарламаларға жазылу