Басты Жаңалықтар Аналарға қамқорлық - болашаққа қамқорлық

Аналарға қамқорлық - болашаққа қамқорлық

28.02.2014 05:30

Қазақстан Коммунистік Халықтық партиясы Үкімет пен биліктің барлық органдары ана мен балаға деген қамқорлықты босаңсытпауы тиіс, деп санайды. Осыған орай, бүгін Астана қалалық партия комитетінде «Аналарға қамқорлық - болашаққа қамқорлық» атты қоғамдық талқылау өтті.

Шараға әкімдік пен денсаулық сақтау саласының қызметкерлері, саяси партия филиалдарының жетекшілері және әлеуметтік жағдайы төмен аналар қатысты. Отырыс барысында тұрмысы төмен және жалғызілікті аналардың әлеуметтік жағдайы сөз болды.

Жиынға қатысушылар бала күтімінде отырған аналар мен болашақ аналарға қосымша жеңілдіктер ұсынып, қаржылық көмектің көлемін ұлғайтуды қолдап отыр.

Нұрдәулет Оразханов, ҚКХП-ның Астана қалалық комитетінің екінші хатшысы:

Астана қалалық комитетінде қоғамдық қабылдау жұмыс атқарады. Қоғамдық қабылдауға көбінесе жалғызілікті аналардан арыздар келіп түсіп жатыр. Алимент өндіру проблемаға айналуда. Осыған байланысты заңгерлер қолдарынан келгенше көмек беріп, мәселелерді шешуге тырысуда.

Бөлісу