Жаңалықтарды Telegram арнамыздан оқыңыз! Бүгін Түркияның Ескішехир қаласында Түркі дүниесінің әдебиет журналдары редакторларының конгресі басталды. Жиынға қазақ елінің атынан бірқатар танымал жазушылар қатысуда.
Конгресте түркітекстес елдер арасында әдебиет саласындағы байланысты арттыру, танымал жазушылардың еңбектерін түрік тіліне аудару мәселелері талқыланады.
Бақытжан Омар, тілші:
Бұл Конгрес осымен алтыншы рет ұйымдастырылуда. Екі күнге созылатын жиын барысында бірқатар маңызды шешімдер қабылдануы тиіс. Солардың бірі 2012 жылы Бішкекте ұйымдастырылған түркітектес мемлекет басшыларының кеңесінде талқыланған Түркі дүниесі Жазушылар одағының кеңесін құру мәселесі. Осы жолғы конгресте кеңесті құру жөніндегі алғашқы қадам жасалады. Құжатты «Түріксой» ұйымы мен Еуразия Жазушылар одағы ұсынып отыр. Қазақстан атынан Конгреске «Жұлдыз» және «Алтын тамыр» сияқты журналдардың және «Қазақ әдебиеті» порталының өкілдері қатысуда.Конгресте талқыланған өзекті мәселелер жөнінде толығырақ алдағы хабарымызда айтатын боламын.
Бақытжан ОМАР
