Басты Жаңалықтар Кәсіпкер боламын дегендерге 10 кеңес

Кәсіпкер боламын дегендерге 10 кеңес

31.01.2014 08:30

«Кәсіпкер боламын дегенге 10 кеңес». Осындай тақырыппен бүгін Ұлттық кәсіпкерлер палатасында әлемге әйгілі АҚШ бизнесмені Джефф Хоффманның дәрісі өтті.

Жиында, өз кәсібіңді неден, қалай бастау керектігі, инновация, яғни, соңғы жаңалықтарды бизнесіңе қалай кіріктіруге болатыны, бұл салада қайтіп көшбасшыға айналу керек екені тәптіштеп түсіндірілді.

Осы кездесуді ұйымдастыруға мұрындық болған Кәсіпкерлер палатасы мұндай семинарлардың отандық кәсіпкерлерге берері көп, дейді.

Джефф Хоффман, АҚШ кәсіпкері:

Мен семинарды мынадай сұрақтармен бастадым: Не үшін кәсіпкер болғың келеді? Бірінші мақсатты анықтап алу керек. Ақша үшін ғана бұл салаға келсең, сенен үлкен, әйгілі бизнесмен шықпайды! Тәуелсіз болу, өзімнің жақын туыстарыма жақсылығым тисін, қоғамды жақсы жаққа өзгерткім келеді деп ниеттенсең, онда әңгіме басқа. Дұрыс мақсаты бар кәсіпкер ғана, қандай қиындық болсын шыдайды. Миллионерлер міне, солардан шығады. Семинарда өзгерістерге қалай бейімделу керектігі, қағаздағы жоспарды қалай іске асыруға болатын, әлемдік нарыққа шығудың жолдары туралы айтылды.

Алмат ӘБДІРАМАН

Бөлісу