Қарағандыда пауэрлифтингтен жарыс өтті

Қарағанды облысының құқық қорғау органдары мен күштік құрылымдары арасында пауэрлифтингтен жарыс өтті. Спорттық шараға 40-тан астам қызметкер қатысты. Жарыс барысында зілтемірді серпе және жатып көтеруден жеңімпаздар анықталып, бағалы сыйлықтармен марапатталды. Жалпы, құқық қорғау органдары мен күштік құрылымдар арасында мұндай жары облыста алғаш рет өткізіліп отыр. 

Нұркен Жанахметов, облыс прокурорының орынбасары:

- Осыны ары қарай жалғастырамыз деген ойымыз бар. Облысымызда бірінші рет өткізіп жатырмыз. 40 адам қатысты. Барлығы біздің әріптестеріміз. Әрине, бұл барлығымыз үшін пайдалы шара деп ойлаймын.

Руслан НҰРЛАНҰЛЫ