Жаңалықтарды Telegram арнамыздан оқыңыз!Қарсылас шақ келтірмейтін атақты боксшымыз Геннадий Головкин кәсіби шаршы алаңда тапқан табысын еліміздің экономикасына инвестицияламақшы. Қарағандыда боксшының қаржылай үлес қосуымен көмір байыту өндірісі іске қосылғалы жатыр, деп хабарлайды BNews.kz.
«Бұл идея Президентіміз Нұрсұлтан Назарбаевтың «Барлығын жеңіп, үйге қайт» деген сөзінен кейін пайда болған секілді. Яғни, Президенттің ой тастауымен Қазақстанға инвестиция құюды шешіп отырмын. Отан үшін игілікті іс істеу қажет», – деді WBA, IBF, WBC тұжырымдары бойынша орта салмақта бокстан Әлем чемпионы Геннадий Головкин.
