Алматыда Олжас Сүлейменов атындағы IX халықаралық турнир басталды

Алматыдағы Қазақ Ұлттық аграрлық университетінде Олжас Сүлейменов жүлдесі үшін IX халықаралық турнир басталды. Байрақты бәсекеге волейболдан ардагер командалар арасындағы 9 аймақтан келген құрамалар қатысты.

Үш күнге созылатын турнирдің мақсаты – салауатты өмір салтын ұстанып, студенттерге үлгі көрсету.

Биыл 79 жасқа толатын ақын Олжас Сүлейменов Қазақ Ұлттық аграрлық университетінің командасы құрамында ойнап, шеберлігін көрсетті.

Шара барысында Олжас Сүлейменов студенттермен кездесіп, сондай-ақ облыстардан келген құрамаларды университеттің жетістіктерімен таныстырмақ.

Нұрлан НАУРЫЗАЛИЕВ