Жаңалықтарды Telegram арнамыздан оқыңыз!Құрлықтық хоккей лигасы аясында астаналық «Барыс» осы маусымда екінші рет жеңілді. Астаналық ұжым сырт айдында Ресейдің «Сибирь» командасымен кездесіп, 4:1 есебімен қарсыласына жеңілді.
Жерлестеріміз ойынды сәтті бастап, 3-ші минутта Дастин Бойд алғашқы шайбаның авторы атанды. Айдын иелері болса жиі шабуылдар ұйымдастырып, 17-ші минутта есепті теңестіріп кетті. Голдың авторы Андреас Турессон.
Екінші кезеңде қос команда алма кезек шабуылдар ұйымдастырғанымен таблодағы көрсеткішті өзгерте алмады. Ойынның үшінші бөлігінде Барыс қақпасына 3 шайба соққан «Сибирь» командасы 4:1 есебімен жеңіске жетті.
Рустам БАЙДӘУЛЕТ
