Жаңалықтарды Telegram арнамыздан оқыңыз!Құрлықтық хоккей лигасы аясында астаналық «Барыс» өз айдынында Ресейлік «Сибирь» командасын қабылдап, ірі есеппен жеңіске жетті.
Тартысқа толы өткен ойында есепті астаналық Дмитрий Уппер ашты. Екінші кезең соңына дейін «Барыс» сапынан Брэндон Боченски, Найджел Доус, Майк Ландин, Дастин Бойд және Кевин Дэллмен көзге түссе, қонақтар астаналық командаға 3 шайба соқты.
Қорытынды есеп – 6:3. Айта кетейік, «Барыс» келесі кездесуін 12 қазанда новокузнецктік «Металлург» командасымен өткізеді.
РУСТАМ БАЙДӘУЛЕТ
