Қарағандыда велоспорттан Азия чемпионаты аяқталды (ВИДЕО)

Қарағандыда велоспорттан Азия чемпионаты аяқталды. 15-тен аса мемлекеттің өкілдері бақ сынаған бәсекеде қазақстандықтар айтарлықтай табысқа қол жеткізді.

 

Үш жас санаты бойынша өткен тасжолдағы жарыстың қорытындысы бойынша ел қоржынында - 11 алтын медаль. Жалпыкомандалық есепте жерлестеріміз І орынды иеленді. 

 

Соңғы жарыс күні 204 шақырымға созылған топтық бәсекеде жеңіс тұғырына    қазақстандық спортшылар көтерілді. Руслан Тілеубаев мәре сызығын бірінші болып кессе, Максим Иглинский - екінші, Дмитрий Груздев - үздік үштікті түйіндеді.