Басты Жаңалықтар Екатерина Айдова: «Қолдау көрсеткен жанкүйерлерге алғыс білдіремін!»

Екатерина Айдова: «Қолдау көрсеткен жанкүйерлерге алғыс білдіремін!»

19.02.2014 01:10

Сочи Олимпиадасы аяқталуға жақын. Төрт жылда бір рет өтетін жарыста еліміздің конькимен жүгіру спорты құрамасы жүлдеге іліге алмады. Дегенмен өткен жылдармен салыстырғанда жақсы нәтиже көрсетті.

Ел үміт артқан спортшылардың бірі – қарағандылық Екатерина Айдова. Алайда конькимен жүгіруші Сочи мұзайдынында шеберлігін толық көрсете алмады.

«Олимпиада ойындарында толық бабымда келе алмадым. Жаттығу кезінде жарақат алдым. Оның үстіне Олимпиада алдында сырқаттанып қалдым. Дайындық жақсы еді. Бірақ кей сәттер үздік нәтиже көрсетуіме кедергі келтірді», - дейді спортшы.

Сонымен қатар, Екатерина Айдова қазақстандық жанкүйерлерге алғысын жеткізді.

«Қазақстаннан көптеген жанкүйердің келуі біз үшін тосынсый болды. Олар біз үшін алаңдап, қолдау білдірді. Сол үшін барлығына рақмет айтқым келеді», - дейді ол.

Бөлісу