Мемлекет басшысы Тимур Турловты қабылдады

Мемлекет басшысы Тимур Турловты Халықаралық шахмат федерациясының президенті болып сайлануымен құттықтады. Президенттің айтуынша, бұл Қазақстан мен отандық шахмат мектебінің әлемдік аренадағы абыройы артып келе жатқанын көрсетеді. Елімізде 278 мыңнан астам адам шахматпен жүйелі түрде айналысады. Президент Самарқандтағы Дүниежүзілік шахмат олимпиадасында күміс медаль алған әйелдер құрамасының жетістігін атап өтті. Кездесуде ұлттық құраманың дайындығын күшейту, жас таланттарды қолдау, мектептерде шахматты ілгерілету және өңірлердегі инфрақұрылымды дамыту мәселелері талқыланды. Сондай-ақ бапкерлер мен төрешілердің біліктілігін арттыру, ірі халықаралық жарыстар өткізу мәселелері де назардан тыс қалмады.