Қазақстандықтарды елге қайтару бойынша келіссөз жүріп жатыр

Еліміздің Сыртқы істер министрлігі қақтығыс болып жатқан аймақтағы Қазақстан азаматтарын елге қайтару үшін Ресей тарапымен келіссөз жүргізіп жатыр. Қазір министрліктің жедел желісіне азаматтардан өтініштер түсуде. Әрбір өтініш бойынша ақпарат тексеріліп, нақты тізім жасалады. Одан кейін бұл тізім Ресей тарапына жіберіледі. Әлеуметтік желі арқылы көмек сұраған қазақстандықтарға қатысты да қажетті шаралар қабылданып жатыр. Министрлік өкілдері бұл мәселе бойынша Ресеймен тұрақты байланыста екенін мәлімдеді.

Айта кетейік, қақтығыс аймағында жүрген азаматтар туралы ақпаратты туыстары министрліктің арнайы жедел желісіне хабарлай алады.