Ақтөбе – Атырау – Ресей жолында апат азаймай тұр

Күре жолдағы қауіп күшейіп тұр. Ақтөбе – Атырау – Ресей бағытындағы республикалық маңызы бар тасжолда жыл басынан бері 8 жол апаты болған. Ал былтыр осы жолда 30 жол-көлік оқиғасы тіркеліп, 15 адам көз жұмған. Әсіресе Атырау облысы Қызылқоға ауданына қарасты Сағыз бен Жантерек ауылдары маңында апат жиі болады. Негізгі себептердің бірі – жолға қараусыз шыққан мал.

Кеше тағы біреуін қағып кетті. Күндіз қағып кетті. Барып іздесек, ескі базарда, аяғы сынып кеткен. Мен айтамын, қасымда бала дейді толған, бәрі өліп қалса, не істейсің? Сонда неге қатты айдадың десем, жоқ қатты айдамадым дейді. Ал сотқа келгенде 90-мен өттім дейді ал.

Ана жақта 60 деген тұр, мына жақта 60 деген тұр. Сол екі ортада ГАИ жоқ болса, қаншамен келе жатыр, мысалы, 100-бен  зу ете түседі. Біз өзіміздің малымыз үшін жауап береміз ғой. Басқа білмеймін, жүргізуші жайлауы керек қой,белгі тұр.

Жол қауіпсіздігіне қатысты ахуалға тәртіп сақшылары тұрақты бақылау жүргізіп келеді. Әсіресе Қызылқоға ауданы арқылы өтетін Ақтөбе – Астрахань бағытындағы республикалық тасжолда рейдтік шаралар күшейтілген. Биыл бұл жолда 8 жол-көлік оқиғасы тіркеліп, 4 адам қаза тапқан, тағы 24 адам жарақат алған. Өткен жылмен салыстырғанда көрсеткіш төмендегенімен, әрбір жол апаты сақтықты күшейту қажеттігін көрсетеді.

Зерттедік, қазір анализ жасадық. Бізде 11 мен 2-нің аралығында болып тұр жол апаты. Сол уақытта патрульдерді күшейтіп, жұмыс атқарып келеміз. Жауапкершілік алдымен бірінші тұрғындарда болуы керек. Бақташы қоюы керек. Әкімдікке де ұсыныстар беріп жатырмыз, бақташы алуға, малды уақытында кіргізіп қамауға деген сияқты жолдағы қауіптің алдын алу – ортақ міндет.

Өңірдегі күре жолдарға макеттер мен арнайы ескерту белгілері орнатылған. Тәртіп сақшыларының айтуынша, бұл апаттың алдын алуға оң ықпал еткен. Енді алдағы уақытта мал айып тұрағын ашу жоспарланып отыр.