Білім, ғылым және мәдениет салаларындағы ынтымақтастық жайы талқыланды

Президент Халықаралық орыс тілі ұйымының Бас хатшысы Наталья Бочарованы қабылдады. Мемлекет басшысы ұйымның заманауи, беделді әрі тиімді жұмыс істейтін құрылым ретінде қалыптасуы маңызды екенін атап өтті. Жүздесуде білім, ғылым және мәдениет салаларындағы ынтымақтастықты дамыту мәселелері талқыланды. Қасым-Жомарт Тоқаев бірлескен жобаларды жүзеге асыру кезінде ұйымға мүше барлық мемлекеттердің мүддесіне тең қараудың маңызына назар аударды. Өз кезегінде Наталья Бочарова Мемлекет басшысына ұйымның қызметін қолдағаны үшін алғыс білдіріп, алдағы жоспарын айтты.