Қазақстан мен Оңтүстік Корея ғарыш саласындағы ынтымақтастықты кеңейтпек

Тараптар Қазақстанда спутник компоненттерін шығаратын өндірістік хаб құру мүмкіндігін талқылады. Келіссөздерде спутниктер мен олардың компоненттерін бірлесіп өндіру, жерүсті стансаларының желісін дамыту және «Ғалам» жобасына инвестиция тарту мәселелері қаралды.

Үкіметтің сайтында жарияланған ақпарат бойынша алдағы уақытта Қазақстанда CONTEC компаниясының еншілес құрылымын құру және ынтымақтастықтың нақты шарттарын айқындау мәселесі пысықталады.