Қостанайда жас жол инспекторларының XXI республикалық слеті өтіп жатыр

Қостанайда жас жол инспекторларының XXI республикалық слеті басталды. Биыл байқауға Қазақстанның 20 өңірі мен ТМД елдерінен 6 команда арнайы келіп,  барлығы 200-ге жуық оқушы қатысып жатыр. Жарысқа түсетін 11 мен 14 жас аралығындағы жас инспекторлар жол ережесін қаншалықты меңгергенін көрсетіп, өзара бақ сынасады. Бұдан бөлек, олар ғылыми-практикалық конференцияларға, зияткерлік ойындар мен танымдық экскурсияларға қатысады.  Іс-шараның басты мақсаты – жолдағы сақтық пен тәртіптің маңызын балаларға ерте жастан түсіндіріп, жауапкершілікке баулу.

Малахат Агаева, Әзербайжаннан келген қатысушы:

Бірнеше ай дайындалдық. Біздің команда халықаралық  жас жол инспекторларының слетіне қатысып  жүр. Барымызды салып жұмыс істедік. Былтыр Тәжікстанда болдық, енді биыл Қазақстанға келдік. Өте қуаныштымыз.