Еліміздің басым бөлігінде күн бұзылады

Еліміздің басым бөлігінде күн райы бұзылып, жаңбыр жауады. Кей өңірлерде жауынның соңы бұршаққа ұласуы мүмкін. Синоптиктердің болжамынша, мұндай ауа райы Алматы, Жетісу, Ұлытау, Қарағанды, Солтүстік Қазақстан, Жамбыл, Ақмола, Павлодар, Шығыс Қазақстан, Абай, Түркістан, Қостанай, Қызылорда және Ақтөбе облыстарында күтіледі. Жетісу облысында, әсіресе Алакөл маңында, желдің екпіні секундына 28 метрге дейін жетуі ықтимал. Ал Түркістан облысында да шаңды дауыл тұруы мүмкін. Дегенмен кей аймақтарда керісінше ми қайнатар ыстық сақталады. Маңғыстау, Атырау, Батыс Қазақстан, Шығыс Қазақстан және Абай облыстарында күндіз ауа температурасы 38 градусқа дейін көтерілсе, еліміздің оңтүстігінде сынап бағанасы тура 40 градусқа жетеді, дейді.