IT бағдарламалар экспорты 1,1 млрд долларға жетті

Қазақстандық IT бағдарламалардың экспорты 1 миллиард 100 миллион долларға жетті. Бұл туралы Үкіметтің баспасөз қызметі хабарлады. Біздің eGov жүйесінің үлгісін Тәжікстан сатып алған. Бірегей цифрлық жүйе Африка елдері Сьерра-Леоне және Тогоға да саудаланды. Бүгінде еліміз электрондық үкіметті дамыту индексінде әлем бойынша 24-орында. Мемлекеттік қызметтердің 90 пайызынан астамы онлайн форматта көрсетіледі. Тұрғындар бір жылда оларды 51 миллион мәрте пайдаланған. Былтыр тамыз айында eGov Mobile қосымшасында AI интеллектуалды іздеу жүйесі іске қосылды. Сонымен қатар eGov.kz порталы арқылы 25 миллионан астам мемлекеттік қызмет көрсетілді, eGov Business сервисі 4,5 млн сұранысты өңдеген.