Саябақта тәртіп бұзған 700 адамға айыппұл салынған

Жыл басынан бері елордадағы Ботаникалық саябақта тəртіп бұзған 700-ден астам адам айыппұл арқалады. Көбіне тұрғындар тыйым салынғанына қарамастан көгалға жайғасып, дастархан жаяды. Ал мұндай əрекет үшін 20 айлық есептік көрсеткіш көлемінде əкімшілік жаза қарастырылған. Жалпы полиция «Заң мен тəртіп», «Таза Қазақстан» жалпыұлттық акциялары аясында күн сайын рейд жүргізеді.

Пикникке шығу, əрине дұрыс. Бірақ əр тұлға келгеннен кейін артында қоқыстар қалып қояды. Ол бөтелке, пластикалық ыдыстар, пакеттер одан қалса майлықтар. Əкімшілік құқық бұзушылық туралы кодекстің 505-бабында көрсетілген əкімшілік жаза қарастырылған. Ескерту беріледі немесе айыппұл салынады.