Павлодарда Эко-movie экологиялық шарасы өтті

«Таза Қазақстан» республикалық акциясы аясында «Жасыл Ел» жастар еңбек жасақтарының Павлодар облыстық штабы экологиялық-танымдық шара өткізді.

Негізгі мақсат – жастардың табиғатқа жанашырлығын арттыру, экологиялық тазалыққа дағдыландыру. Осыған орай интерактивті шығармашылық формат таңдалды.

Шара барысында көпшілікке танымал фильмдер мен мультфильмдердің сюжеттері көрсетіліп, олардың экологиялық мазмұны талданды. Оған 30-дан астам студент қатысты.

Мөлдір Жұмабаева, студент:

Бұл бізге болашақта үлкен жаңалықтар мен өзгерістер алып келеді деп сенеміз. Біздің болашаққа үмітіміз зор. Осындай шараларға жастар көбірек қатысуы керек деп ойлаймыз. Өйткені табиғатты қорғау – әр адамның міндеті.