Қазақстан экономикасына 4 жылда 5,2 млрд доллар көлемінде инвестиция құйылды

Еуразиялық даму банкі Қазақстан экономикасына соңғы 4 жылда 5 млрд 200 млн доллар көлемінде инвестиция құйған. Бұл туралы банк кеңесінің отырысында айтылды.

Премьер-министр Олжас Бектеновтің төрағалығымен өткен жиынға Армения, Беларусь, Қырғызстан, Ресей, Тәжікстан және Өзбекстан өкілдері қатысты. Іс-шара барысында кеңестің алдағы 4 жылға арналған стратегиясы бекітілді. Онда негізінен көлік-логистика кешенін және ірі инвестициялық жобаларды дамыту мәселелері қамтылған.

Сондай-ақ осы жиында кеңес мүшелерінің ұсынысы бойынша Премьер-министр Олжас Бектенов қайтадан кеңестің төрағасы болып сайланды.