ӘЧ: Чехия мен Оңтүстік Африка тең түсті

Футболдан Әлем чемпионатында Чехия мен Оңтүстік Африка Республикасы құрамалары арасындағы матч 1:1 есебімен тең аяқталды. Ойын чемпионаттың «А» тобындағы топтық кезеңнің екінші туры аясында өтті. Чехия құрамасы ойынды барынша ширақ бастап, алғашқы минуттарда-ақ есеп ашты. Жартылай қорғаушы Михал Садилек 5 минут 8 секундта қақпаға гол соқты. Бұл гол осы Әлем чемпионатындағы ең жылдам гол болып тіркелді. Алайда Чехия құрамасы жеңісті есепті ұстап тұра алмады, оңтүстікафрикалықтар екінші таймда есе қайтарды. 83-минутта Чехия қақпасына пенальти белгілеген төрешінің ысқырығынан кейін Тебохо Мокоэна есепті теңестірді.