Мемлекет басшысы Черногория президентін қарсы алды

Мемлекет басшысы Тәуелсіздік сарайында елімізге ресми сапармен келген Черногория президентін қарсы алды. Сарбаздар сап түзеп, жоғары деңгейдегі мейманға құрмет-қошемет көрсетілді. Іс-шара барысында Қасым-Жомарт Тоқаев пен Яков Милатович бір-біріне ресми делегация мүшелерін таныстырды. Бұл Черногория президентінің елімізге алғашқы ресми сапары. Биыл дипломатиялық байланыстың орнағанына 20 жыл. Қос тарап келіссөздер барысында саяси диалогты нығайту, сауда-экономикалық, инвестициялық және мәдени-гуманитарлық ынтымақтастық мәселелерін талқылайды деп жоспарланған.