Жаңалықтарды Telegram арнамыздан оқыңыз!Теннистен «Australian open - 2014» бәсекесі жалғасуда. Әлемнің екінші ракеткасы сербиялық Новак Джокович алғашқы айналымнан қиналмай өтті. Словакиялық Лукаш Лацкодан басым түскен Джоковичтың ендігі қарсыласы аргентиналық Леонардо Майер.
Қазақстандық Михаил Кукушкин колумбиялық Алехандро Фалладан ұтылса, Андрей Голубев жарақатына байланысты жарыстан шығып қалды.
Ал, әйелдер жарысында әлемнің үздігі Серена Уильямс жергілікті теннисші Эшли Бартимен болған кездесуде жеңіске жетті. Зарина Диас пен Галина Воскобоева екінші айналымға шықты. 20 жастағы қазақ қызы Зарина іріктеуден іркілмей өтіп, бірінші айналымда чехиялық Катерина Синяковадан шеберлік асырса, Юлия Путинцева бірінші кезеңде сүрінді.
Индира БЕКТЕНОВА
