Жалған нөмір таққан 500-ден аса көлік анықталды

500-ден астам автокөліктің жалған мемлекеттік нөмірмен жүргені белгілі болды. 10-14 маусым аралығында өткен республикалық рейд барысында полиция қызметкерлері жол қозғалысы ережелерін өрескел бұзған мыңдаған жүргізушіні анықтады. Нәтижесінде 22 мыңнан астам құқық бұзушылық тіркелді. Жалпы саны 2,5 мыңға жуық темір тұлпар айып тұрағына жеткізілді. Мамандардың айтуынша, жалған нөмір қолдану көбіне камералардан жасырыну немесе жауапкершіліктен жалтару мақсатында жасалады. Ішкі істер министрлігі мұндай заң бұзушылықтарға қарсы бақылау алдағы уақытта да тұрақты түрде жалғасатынын мәлімдеді.