Ақтөбе облысында 291 километрге жуық жол жөнделеді

Биыл Ақтөбе облысында 291 километрге жуық жол жөнделеді. Ол үшін республикалық және жергілікті бюджеттен 36,4 млрд теңге бөлінді. КСМ: Ең ірі жоба - «Ақтөбе-Қарабұтақ-Ұлғайсын» тас жолы. «Батыс Еуропа -Батыс Қытай» халықаралық көлік дәлізіндегі бұл бөліктің ұзындығы 262 шақырым. Құны 550 млрд теңге. Жаңарту жұмыстарының ресми басталуына арналған шараға «Қазавтожол» ұлттық компаниясы мен өңір басшылығы, Хромтау ауданының тұрғындары қатысты. Жаңа жол Бірінші техникалық санатқа сай төрт жолақты болуы тиіс. Жеті учаскеге бөлініп, кезең-кезеңмен салынады. Жалпы, соңғы үш жылда өңірде мың алты жүз шақырым жол жөнделген.
Дархан Иманашев «ҚазАвтоЖол» ҰҚ» АҚ басқарма төрағасы:

Мердігер толық өзі сметалық құжаттамаларды өзі дайындайды. Құрылысты бастайды да, 5-7 жылдай толық күтіп ұстауды мойнына алады. Яғни, барлық қателіктер, барлық сапа мердігердің мойнында.