Аллергияға қарсы отандық вакцина сыналуда

Аллергияға қарсы қазақстандық препарат сынақтан өтіп жатыр. Зерттеу «Медцентр-Рахат» базасында жүргізіледі. Оған жусан тозаңына аллергиясы бар 138 пациент қатысады. Егер сынақ сәтті аяқталса, бұл аллергиясы бар адамдардың дертіне дауа болмақ. Бұрын аллергияны айлап емдейтін терапия енді төрт инъекциямен шектелуі мүмкін. Мамандар жусан тозаңына аллергиясы бар адамдар ел ішінде өте көп екенін айтады. Олар, әсіресе, жаз және күз мезгілдерінде  мұрыннан су ағу, түшкіру, көзден жас ағу және тыныс алудың қиындауы сияқты белгілерге жиі тап болады. Аллергиямен күресетін препарат бұл жай ғана медицина жаңалығы емес, елдің ғылымы «импортқа тәуелді тұтынушыдан» нақты өндірушіге айналып келе жатқанының белгісі.