Ерлан Қарин: Заңнаманы үйлестіру елімізді өркендетудің жаңа кезеңі басталғанын айғақтайды

Жаңа Конституцияны қабылдау Қазақстанның мемлекеттік дамуында жаңа кезеңнің басталғанын айқын көрсетеді. Мемлекеттік кеңесші Ерлан Қарин, әлеуметтік желідегі парақшасында осындай пікір білдірді. Оның сөзінше жаңа Ата заңның негізгі ережелері мен нормаларын жүзеге асыруға қатысты жұмыс кезең-кезеңімен атқарылып жатыр. Бүгін Парламент Палаталарының бірлескен отырысында депутаттар бірінші оқылымда үш заң жобасын қарады. Ерлан Қариннің сөзінше, заңнаманы үйлестіру үдерісі және алдағы уақытта өтетін Құрылтай сайлауы конституциялық қағидаттар мен Әділетті Қазақстанның құндылықтары негізінде елімізді өркендетудің жаңа кезеңінің басталғанын айғақтайды.