Елордалық оқушылар құстарға ұя жасады

Елордалық оқушылар құстарға арнап ұя жасап, оларды Жетісу саябағындағы ағаштарға орнатты. №59 мектеп-лицейінің шәкірттері қатысқан бұл шара табиғатқа жанашырлықты арттырып, құстардың көбеюіне қолдау көрсетуге бағытталды. Экологиялық бастама Есіл ауданы әкімдігі аппаратының қолдауымен «Таза Қазақстан» акциясы аясында өтті. Ұйымдастырушылар мұндай игі істердің алдағы уақытта да жалғасатынын атап өтті.

Ерғали Қасымов, №59 мектеп-лицей мұғалімі:

8-сынып оқушылары өздері үлес қосып, қамқорлық көрсетіп жасаған ұяларын, еңбек сабағынан жасаған қолөнерін әкеліп, соны тапсырып жатыр. Жыл сайын біз әкелеміз, көп жасаймыз құс ұяларын. Құстар үшін көмек жасап, өзіміздің үлесімізді қосамыз әрқашанда.