Президент Жапония Парламентінің Қазақстанмен достық лигасының төрағасын қабылдады

Мемлекет басшысы Жапония Парламентінің Қазақстанмен достық лигасының төрағасы Ясутоши Нишимураны қабылдады. Кездесу барысында ынтымақтастық мәселелері мен парламентаралық байланыстар жайы талқыланды. Президент Жапонияны Азиядағы маңызды серіктес деп атап, сауда-инвестициялық ықпалдастықты нығайтуға назар аударды. Сондай-ақ келесі жылы Астанада өтетін «Орталық Азия – Жапония» саммитіне дайындық барысы сөз болды. Ясутоши Нишимура Жапония Парламенті Қазақстанмен көпжоспарлы ықпалдастық аясын кеңейтуге дайын екенін растады. Кездесу соңында екі ел арасындағы  ынтымақтастықты нығайтуға қосқан елеулі үлесі үшін Ясутоши Нишимура І дәрежелі «Достық» орденімен марапатталды.