Ақордада Чехия премьер-министрін қарсы алды

Ақордада елімізге ресми сапармен келген Чех Республикасының Премьер-министрі Андрей Бабишті қарсы алу рәсімі өтті. Құрмет қарауылы сап түзеп, екі елдің әнұраны орындалды. Чехия Қазақстанның Еуропадағы сенімді серіктесі. 2025 жылдың қорытындысы бойынша екі ел арасындағы тауар айналымы 700 млн доллардан асты. Соңғы 20 жылда чех кәсіпкерлер Қазақстан экономикасына 350 млн доллардан астам инвестиция құйған. Бүгінде біздің елде Чехияның үлесі бар 150 компания жұмыс істейді. Жоғары деңгейдегі кездесу барысында сауда-экономикалық қарым-қатынасты дамыту мәселелері талқыланбақ.