Қазақстан мен Израиль президенттері Alem.ai халықаралық ЖИ орталығына барды

Мемлекет басшысы Қасым-Жомарт Тоқаев пен Израиль президенті Ицхак Герцог Alem.ai халықаралық жасанды интеллект орталығына барып, қызметімен танысты. Мұнда таланттарды тауып, оларды даярлаудан бастап ақылды жүйе шешімдерін әлемге таратуға дейінгі технологиялық дамудың толық циклі жүзеге асырылады. Сонымен бірге Ицхак Герцогқа Қазақстанның жаппай цифрландыру және жасанды интеллект технологиясын экономика мен әлеуметтік саланың басты бағыттарына енгізудегі негізгі жетістіктері көрсетілді. Бұдан бөлек Президенттерге  Астана Smart City жобасы туралы мәлімет берілді. Ауқымды бастама аясында елорданың жаңа интеллектуалдық инфрақұрылымы қалыптаспақ.