Мемлекет басшысы Мәдениет және спорт министрі Ақтоты Райымқұлованы қабылдады

Мемлекет басшысы бүгін Ақордада Мәдениет және спорт министрі Ақтоты Райымқұлованы қабылдады. Президент министрліктің қазіргі жұмыс барысымен және алдағы жоспарларымен танысты. Сондай-ақ жаңа министрге спорт, мәдениет, туризм саласы мен «Рухани жаңғыру», «Киелі Қазақстан» бағдарламаларына қатысты бірқатар тапсырмалар жүктеді. Бұдан бөлек Қасым-Жомарт Тоқаев мәдениет, спорт қайраткерлерінің әлеуметтік тұрмыс жағдайын жақсарту мәселесін  жандандыру қажеттігін айтты.

Дулат АБИБУЛЛАЕВ