Президент ғылым саласының қызметкерлерін марапаттады

Әр елдің ғылыми әлеуеті – оның абырой-беделі мен күш-қуатының өлшемі. Президент Қасым-Жомарт Тоқаев ғалымдарды марапаттау рәсімі кезінде осылай деді. Соңғы 5 жылда салаға бөлінген қаржы 6 еселенген. Енді жастар ғылыммен алаңсыз айналысуы үшін қолайлы жағдай жасалады. Биыл Цифрландыру және жасанды интеллект жылы. Тың бастамаларға басымдық берген бизнес өкілдеріне салықтық жеңілдік қарастырылады. Ең бастысы Ғылым экономика мен қоғамның сұранысына сай болуға тиіс.

Ғылымның әлеуетін ел игілігіне жарата білу қажет. Ғалымдарымыз ашқан жаңалықтар зертханалар аясында қалып қоймауы керек. Нақты нәтиже беретін, өндіріске енгізуге болатын жобаларды жүзеге асыру қажет. Бір сөзбен, ғылым экономика мен қоғамның сұранысына сай болуға тиіс. Бұл мақсат Үкіметтің ұдайы назарында болуы керек, себебі осы міндеттің еліміз үшін мән-мағынасы ерекше.