Отандық және шетелдік студенеттер арасында MaxUP легатоны басталды

Отандық және шетелдік студенеттер арасында MaxUP легатоны басталды. Бұл заң саласындағы кейс-чемпионат. «Болашақ құқығы» тақырыбына негізделген сайыста жастар цифрлы дәуірдегі сын-қатерлерге құқықтық шешімдер іздейді. Жаңа технологиялардың заң жүйесіне, этика мен адам құқықтарына әсерін зерделейді. Жарыста 3 құрлықтан 13 мемлекеттің университеті бақ сынамақ. Олардың қатарында Қазақстаннан бөлек Канада, Қытай, Германия және тағы басқа елдердің жоғары оқу орындары бар. Конкурс пікірсайыс, жоба таныстыру және гранд-финал сынды үш кезеңнен тұрады. Жүлде қоры 5 млн теңгеден асады.

Лука Авазашвили, команда жетекшісі:

Біз Қазақстанға алғаш рет келіп отырмыз. Жарысқа жан-жақты дайындалдық. Кеше басқа команда мүшелерімен танысып, достасып та үлгердік. Олардың да әзірлігі жоғары. Сондықтан біз үшін бұл жарыс үлкен тәжірибе болатыны анық.