Шымкентте борышкерлерге жұмыс ұсынды

Шымкентте алимент төлемеген азаматтардың қарызы 5 млрд теңгеге жуықтаған. 3,5 мың адам борышкердің қатарында. Олардың 700-ге жуығы табысын көрсете алмаған. Сондықтан қалада арнайы жәрмеңке ұйымдастырылып, 30 кәсіпорын вакансия ұсынды. Кейбір мекемелер мамандығы жоқ азаматтарды тегін оқытып, сертификат беруге дайын. Осылайша борышкерлерді жұмыспен қамту арқылы алимент берешегін өтеуге мүмкіндік берілді.

5 миллионға жуық берешегім бар. Жұмыс тауып бергендерге алғысым шексіз! Өздері үйретіп, жұмыспен қамтиды екен. Енді осы кәсіпорында жұмыс істеуге ниеттімін. Мамандығым электрик. Бірақ, қызмет талғамаймын. Жаңа қабілеттерді игеріп, кез келген тапсырманы орындауға дайынмын.