Конституциялық комиссия: Білім берудің зайырлы сипатын бекіту ұсынылды

Жастар саясаты еліміздің болашағына тікелей қатысты мәселе. «Келешек» жастар кеңесінің жетекшісі Гүлзира Атабаев конституциялық комиссияның отырысында білім берудің зайырлы сипатын бекітуді ұсынды.

Гүлзира Атабаева, «Келешек» жастар кеңесінің жетекшісі:

Бұл – абстрактілі емес, практикалық мәні бар мәселе. Мектеп – тең мүмкіндіктер кеңістігі, дәстүрлерге құрмет көрсетілетін, бірақ оларды күштеп оқытуға жол берілмейтін орта. Қоғамда жат ықпалға орын болмауы тиіс. Конституцияда тікелей норма ретінде бекітілуі тәрбие мен білім беру жүйесі үшін нақты әрі айқын бағдар болмақ. Осындай сезімтал саладағы конституциялық нормалардың анықтығы қоғамдық келісімді, сенімді және мемлекеттік институттарға деген құрметті нығайтады.