Қазақстанда жоғары оқу орындары жанындағы әскери кафедралар тексеріледі

Қазақстанда жоғары оқу орындары жанындағы әскери кафедралар тексерілетін болды. Бұл туралы Қазақпарат агенттігі хабарлады. Қорғаныс министрлігі әскери дайындықтың сапасы мен оқу жағдайына жүйелі мониторинг енгізді. Бұған дейін офицерлер мен запастағы сержанттарды даярлау сапасын бағалайтын бірыңғай тетік болмаған. Тексеру барысында оқу үдерісі, материалдық-техникалық база және кадрлық құрамның талаптарға сәйкестігі қаралады. Қазір елдегі 40 әскери кафедраның сегізі қару-жарақпен толық қамтылмаған. Анықталған кемшіліктерді жоюға уақыт беріледі. Ал талап орындалмаса, кафедра жабылуы мүмкін.