JOGMEC компаниясы Қазақстанда бірнеше жобаны жүзеге асырады

Мемлекет басшысы Жапония металл және энергетикалық қауіпсіздік жөніндегі ұйымының төрағасы Ичиро Такахарумен кездесті. Тараптар геологиялық барлау, аса маңызды минералдарды өндіру және өңдеу, сондай-ақ табиғи ресурстарды орнықты басқару бағыттарындағы ынтымақтастықты талқылады.

Айта кету керек, JOGMEC компаниясы Қазақстанда бірнеше жобаны жүзеге асыруға қызығушылық танытып отыр. Тиісінше, ұйымның еліміздегі геологиялық барлау жобаларына қатысу және өкілдік ашу мүмкіндіктері қарастырылды. Президенттің пікірінше, бұл бірлескен жобаларды тиімді үйлестіруге, сондай-ақ Жапонияның өндірістік және технологиялық компанияларының Қазақстан нарығына көптеп келуіне ықпал етеді.