«Qazaqstan» телеарнасының мерекелік тартуы

Ертеңгі Тәуелсіздік күніне орай «Qazaqstan» телеарнасының көрерменге ұсынар тартуы көп. Күндізгі 13:15-те «Еркіндік лебі» арнайы жобасында егемендік әкелген өзгерістер сараланады. Белгілі жазушылар мен  суретшілер, әлеуметтанушылар пайымды пікір білдіреді. Ал сағат 13:40-та ұлттық өнер жанкүйерлеріне ақындар айтысы ұсынылады. «Адамзаттың бәрін сүй» атты сөз жарысында елімізге белгілі ақындар сайысқа түседі. Сонымен қатар «Ақпарат» пен ток-шоулар да тікелей эфирде хабар таратады. Ал күннің басты көрсетілімі кешкі 22:20-да. Әнші Димаш Құдайбергеннің «Stranger» концерті талғамы биік өнерсүйер қауымды қуантпақ.