Ұлттық комиссия кәсіпкер әйелдерді қолдау шараларын күшейтеді

Елдегі шағын және орта бизнестің тең жартысын дерлік әйелдер басқарады. Бұл туралы Әйелдер істері және отбасылық-демографиялық саясат жөніндегі ұлттық комиссияның отырысында айтылды. Премьер-министрдің орынбасары-Мәдениет және ақпарат министрі Аида Балаеваның төрағалығымен өткен жиында әйелдер арасында кәсіпкерлікті дамыту жайы қаралды. Осы бағытта цифрлық технологиялар, әлеуметтік желіні пайдалану, шеберлік-сыныптарды ұйымдастырудың маңызы сөз болды. Әсіресе ауыл-аймақтарда ІТ, инженерия, цифрлық сервистер бойынша сабақ өткізу ұсынылды. Отырыс барысында комиссия төрағасы Аида Балаева орталық және жергілікті атқарушы органдарға айтылған ұсыныстарды ескере отырып, тиісті тапсырмаларды сапалы орындауды жүктеді.