Республикалық маңызды автожолдарда қозғалыс шектелді

Ауа-райының қолайсыздығына байланысты республикалық маңызы бар бірқатар автожолда қозғалыс шектелді. «ҚазАвтоЖол» компаниясының хабарлауынша, Шығыс Қазақстанда қысқы кезең аяқталғанға дейін тіркемесі және жартылай тіркемесі бар жүк көліктері үшін Осинов асуында уақытша шектеу енгізілді. Түркістан облысында А-15 автожолының 175–183 шақырымы аралығында 10 қарашаға дейін қозғалыс тоқтатылды. Сондай-ақ Ақмола облысында «Астана – Көкшетау» айналма жолы, Петропавл – Ресей шекарасында жылдамдық шегі 110-нан 80 км/сағ дейін төмендетілді. Күн райы тұрақталғаннан кейін әдеттегі жылдамдық режимі қалпына келтіріледі.