Қазақстанда тараған резонансты видео көрші елде түсірілгені анықталды

Интернеттің қазақстандық сегментіндегі әлеуметтік желілерде мектеп оқушысының сыныптасын ұрып жатқан видеосы таралды. Жазба авторы: «Бұл Қазақстанның қай мектебінде болған жағдай?», - деп әдейі сұрақ қойып, деструктивті дискурсқа тартқан. Жалған ақпаратқа қарсы іс-қимыл орталығы бұл жағдай Қазақстанда болмағанын хабарлайды. Түпнұсқаны зерделеу кезінде сынып бөлмесінде Қырғыз Республикасының мемлекеттік елтаңбасы ілінгені анықталды. Оқиға көрші елде 24 қыркүйек күні болған. Ал видеоны таратып, әдейі манипуляция әдісін қолданғаны үшін жазба авторы жазаланбақ.