Жаңалықтарды Telegram арнамыздан оқыңыз!Өнер шаңырағы екі жылда салынып бітті. Заман талабына сай жабдықталып, безендірілген әсем ғимараттың жалпы ауданы 10 мың шаршы метр. Театр құрылысына жергілікті бюджеттен 6 млрд. теңге қаржы бөлінді. Өнер ордасының салтанатты ашылуында Темірбек Жүргеновтің 120 жылдығына орай 7-ші Орта Азия елдері театрларының фестивалі басталды. Әріптестерін құттықтауға Еңбек Ері Асанәлі Әшімов бастаған театр және кино майталмандары келіп, ыстық ықыластарын білдірді. 510 көрермен сиятын жаңа театрдың шымылдығы Мұхтар Әуезовтің «Айман-Шолпан» қойылымымен ашылды. Сахнаға шыққан актерлардың көбі өнер ұжымына жаңадан қосылған жастар.
Ғалия Темірбаева, Б.Римова атындағы драма театрының директоры:
- Бізге 30-ға жуық штат берілгелі жатыр. Жетісудың көрермендерін әлі талай туындылармен қуантамыз деген ойдамыз. Бикен Римова театрының есігі әрқашанда ашық болады деп сөз береміз.
Қуаныш ҚАНАТҰЛЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
